Behrami i bindur se Kurti i gatshëm ta dërgojë vendin pafundësisht në zgjedhje: Vetëm qytetarët mund ta ndalin përmbysjen e shtetit

Deputeti Artan Behrami shprehu bindjen se Albin Kurti nuk është i interesuar të gjejë zgjidhje për çështjen e presidentit dhe se takimet e tij me liderë politikë janë vetëm farsë dhe performancë politike e tij

Ai tha se Kurti është i gatshëm ta dërgojë Kosovën pafundësisht në zgjedhje dhe se vetëm qytetarët mund ta ndalin.

Postimi:

Qytetarët e Kosovës e kanë në dorë ta ndalin këtë çmenduri, këtë marrëzi dhe këtë përmbysje të shtetit të Kosovës.

Ky fillimisht të takon. I kupton dëshirat kundërshtarëve politikë.

Dhe dëshirat e tyre i shndërron në kundërshtime të pandryshueshme.

Kurti nuk ndalet.

Ky pafundësisht shkon në zgjedhje, duke blerë vota, duke manipuluar rezultate.

Dhe, mbi të gjitha, duke keqpërdorur institucionet e sigurisë dhe të tjera për ta ruajtur okupimin e institucioneve.

Qytetarët, në zgjedhjet e ardhshme, e kanë mundësinë ta ndalin këtë rreth vicioz, këtë krizë në të cilën na ka futur!