Bëhet virale foshnja që pozoi si mbret pak minuta pas lindjes

Një foshnjë e porsalindur në Egjipt ka tërhequr vëmendjen e rrjeteve sociale pasi është filmuar duke qëndruar me këmbët e kryqëzuara mbi tavolinën e ekzaminimit, vetëm pak minuta pas ardhjes në jetë.

Pamjet u publikuan nga Dr. Islam Eldeh, specialist i shëndetit të fëmijëve në Kajro. Në video, foshnja duket e qetë dhe e relaksuar, madje edhe teksa mjeku e ekzaminon me stetoskop.

Mjeku e pagëzoi të voglin me nofkën “Mbreti i vogël”, ndërsa pamjet u shpërndanë me shpejtësi në rrjetet sociale, duke marrë vëmendjen e përdoruesve nga vende të ndryshme të botës.

VIDEO - https://x.com/postacomtr/status/2112408527176118695?s=20

Sipas shpjegimeve të përfshira në postim, ky pozicion mund të lidhet me reflekset dhe lëvizjet që foshnjat zhvillojnë gjatë qëndrimit në barkun e nënës.

Pamjet kanë argëtuar mijëra përdorues, të cilët e kanë komentuar pozën e pazakontë të të porsalindurit, duke e cilësuar si një nga momentet më të veçanta të ditëve të fundit në rrjetet sociale.