Bedri Hamza voton në Mitrovicë: E përmbusha obligimin qytetar, ftoj të gjithë të votojnë

Kandidati për Kryeministër nga Partia Demokratike e Kosovës, Bedri Hamza, ka ushtruar të drejtën e votës në ditën e zgjedhjeve të parakohshme parlamentare 2025.

Përmes një deklarimi publik, Hamza tha se ka votuar si kandidat, si prind dhe si qytetar, duke theksuar përgjegjësinë që ka vota në demokraci.

“Sot, ne e përmbushëm obligimin qytetar. Votova si Kandidat për Kryeministër, si prind dhe si qytetar, me besim në të ardhmen e vendit tonë. Vota është përgjegjësi dhe themel i demokracisë”, u shpreh Hamza.

Ai u bëri thirrje qytetarëve të dalin në votime, duke theksuar se vendi ka nevojë për qeveri që bashkon dhe sjell zhvillim.

“I ftoj të gjithë qytetarët të dalin dhe të votojnë për një qeveri që bashkon, garanton stabilitet, zhvillon ekonominë dhe punon për një të ardhme më të mirë për të gjithë”, shtoi ai.

Procesi zgjedhor po vazhdon në gjithë vendin