Banorët e Tresteniku, Lutogllavës e Ruhotit i japin mbështetje të madhe Arbër Tolajt: Jemi krah qytetarëve

Banorët e Trestenikut, Lutogllavës e Ruhotit i kanë dhënë mbështetje të madhe sonte kandidatit për deputet në Kuvendin e Kosovës nga radhët e AAK-së, Arbër Tolaj i cili mban numrin 5 në listë.

Tolaj tha se në bashkëbisedimin e tyre qendër patën kërkesat e tyre.

“Në Trestenik, bashkë edhe me banorët e Lutogllavës dhe Ruhotit, patëm një takim, ku kërkesat e banorëve ishin në qendër. Jo fjalime formale, por dëgjim real dhe diskutim për çështjet që prekin jetën e përditshme”, tha ai.

Tolaj tha se energjia dhe sinqeriteti i banorëve treguan se ndryshimi nis nga afërsia dhe nga respekti i ndërsjellë.

“Çdo mendim i ndarë dhe çdo shqetësim i ngritur janë obligim për veprim, jo vetëm premtim. Kjo është arsyeja pse besojmë në politikë krah qytetarëve, jo mbi ta, jo larg tyre”, shtoi Tolaj.