Avdyli ‘godet’ Kurtin: 51% espresso, por autostrada “Ibrahim Rugova” mbeti e bllokuar nga rrëshqitja e dheut për 700 ditë

Ish-deputeti Haxhi Avdyli ka reaguar me kritika të ashpra ndaj Albin Kurtit, duke ironizuar me shprehjen “Espresso 51%” dhe duke e ndërlidhur atë me mos-sanimin e rrëshqitjes së dheut në autostradën “Ibrahim Rugova”.

“Për 700 ditë, me pas hjek një filxhan dhe çdo ditë, sot ajo autostradë do ishte plotësisht e kalueshme”, shkroi ai me ironi.

Ai shtoi se përderisa qytetarët merren me “fore, llafe e espresso 51%”, mungojnë investimet kapitale dhe projektet e mëdha infrastrukturore

Postimi i tij:

Espresso 51%, mund edhe të shtohet, edhe të zvogëlohet.

Por që ndodh 51.1 kubik rrëshqitje dheu, të mbyllin 51% të autostradës “Ibrahim Rugova” , gati për një mandat, kjo askund në botë nuk ka ndodh…

Për 700 ditë, me pas hjek një filxhan dhe çdo ditë, sot ajo autostradë do ishte plotësisht e kalueshme…

Bile për 6 vite edhe ndonjë autostradë e re mund te ndërtohej.

Nejse ajo është temë e prekshme, ne duam fore e llafe… Dhe espreso me 51%+

Për me fitu zgjedhje me poezi, llafe e esspreso, dorën ia kemi marrë, por me fol për ndonje autostradë të përfunduar a ndonje investim të madh , ajo është temë e rëndë për ne. Apo ata.

Dhe po i përmendem edhe njeherë pse ska investime kapitale, ne do shpallemi tradhëtar.