Avdullah Hoti: Fajtor kryesor është VV-ja, por faj kanë edhe Abdixhiku dhe disa kolegë të mi

Deputeti i LDK-së, Avdullah Hoti, ka kritikuar kryetarin e partisë, Lumir Abdixhiku, duke i cilësuar si të papërgjegjshme deklaratat e tij ndaj deputetëve që kanë qëndrime të ndryshme për situatën politike.

Abdixhiku kishte deklaruar se “duket se ka apetitet të jashtëzakonshme për të shtyrë agjenda që s’janë të LDK-së”.

Hoti, i pyetur për këto deklarata në “Debat Plus”, tha se ato janë të papërgjegjshme.

“Besoj që janë deklarime të papërgjegjshme. Në këto deklarime është plotësisht i papërgjegjshëm”, tha Hoti.

Hoti foli edhe për përgjegjësinë për situatën politike në vend, duke thënë se faji kryesor është i Vetëvendosjes, por përgjegjësi ka edhe Abdixhiku bashkë me kolegët e tij.

Ndërkaq, Hoti tha se nëse LDK-ja merr vendim që ai ta dorëzojë mandatin, do ta bëjë këtë menjëherë.

“Nëse ma kërkon partia me vendim, e dorëzoj mandatin”, deklaroi Hoti.