Sot, Administrata Tatimore e Kosovës ka njoftuar për Gazetën Demos se ka pasur vështirësi në funksionimin e punës për shkak të mungesës së energjisë elektrike.
Sipas informacioneve të dhëna, orari zyrtar i punës ka qenë 08:00, por puna në objekt ka nisur me vonesë rreth orës 14:20, pasi gjatë paradites institucioni ka qenë pa furnizim me rrymë.
Puna është zhvilluar me gjenerator, megjithatë një pjesë e pajisjeve kompjuterike dhe sistemeve teknike kanë qenë jashtë funksionit për disa orë, duke ndikuar në ofrimin normal të shërbimeve.