Arta Vokshi-Nallbani: Mbështetja për bizneset vendore, prioritet i qeverisjes tonë

Kandidatja e PDK-së për kryetare të Pejës, Arta Vokshi-Nallbani, së bashku me kandidatin për Asamblenë Komunale, Luan Voci, kanë vizituar sot biznesin lokal Mobile Karagaq, një ndërmarrje model që dëshmon për punën e palodhur, kreativitetin dhe mjeshtërinë e prodhuesve vendorë në Pejë.

Gjatë vizitës, Vokshi-Nallbani vlerësoi lart punën e ekipit të Mobile Karagaq dhe theksoi rëndësinë e mbështetjes për ndërmarrësit lokalë.

Ajo u zotua se, nëse merr besimin e qytetarëve për të udhëhequr Pejën, do ta kthejë komunën në një qendër të zhvillimit ekonomik dhe inovacionit, duke vendosur në fokus fuqizimin e bizneseve dhe prodhuesve vendorë.

I plotë:

Sot, bashkë me kandidatin për Asamble Z. Luan Voci patëm kënaqësinë të vizitojmë Mobile Karagaq në Pejë – një shembull frymëzues i punës së palodhur, kreativitetit dhe aftësisë së mjeshtrave tanë vendorë.

Peja ka pasur dhe ka gjithmonë njerëz punëtorë e vizionarë, që krijojnë produkte cilësore, jo vetëm për tregun vendor, por edhe për atë ndërkombëtar.

Si kandidate për Kryetare të Pejës, zotimi im është i qartë: të mbështesim bizneset vendore, të fuqizojmë prodhuesit tanë dhe të kthejmë Pejën në një qendër të zhvillimit ekonomik dhe inovacionit.

Sepse kur bizneset tona rriten, rritet edhe Peja! 💪🌿

#PDK191

#LuanVoci14