Policia e Kosovës ka arrestuar një zyrtar të Komunës së Pejës, pasi i njëjti u filmua duke konsumuar lëndë që dyshohet të jenë narkotike dhe me një armë në tavolinë. Fjala është për Luan Gashin, udhëheqës i Sektorit për Çështje Pronësie në Komunën e Pejës.
Arrestimin e tij e ka konfirmuar zëdhënësi i Prokurorisë Themelore të Pejës, Shkodran Nikçi.
Nikçi bëri me dije se Gashi aktualisht është duke u intervistuar.
Policia ka bastisur banesën e tij dhe zyrën e punës, ku i është sekuestruar një armë.
“Me autorizimin e prokurorit të shtetit Policia ka bastisur banesën e të dyshuarit dhe njëkohësisht dhe zyrën e tij të punës me ç’rast është sekuestruar një armë dhe i njëjti është arrestuar nga Policia e Kosovës dhe për momentin është duke u intervistuar dhe presim që të vlerësoj nga prokurori i shtetit për hapat e mëtutjeshëm”, ka deklaruar Nikçi.
E pamjet ku shihet ky i fundit që dyshohet se konsumon substanca narkotike, e në tavolinë shihet edhe një revole i ka publikuar Kallxo.com
