Arrestohet një person i kërkuar me urdhëresë gjykate në Podujevë

Policia e Rajonit të Prishtinës ka njoftuar se po vazhdon aktivitetet operative me qëllim kapjen e personave të dyshuar dhe të dënuar për vepra penale.

Sipas njoftimit, një operacion i tillë është realizuar nga zyrtarët policorë të stacionit në Podujevë, ku është arrestuar një person i kërkuar me urdhëresë gjykate.

I arrestuari dyshohet për veprën penale “pengim i personit zyrtar në kryerje të detyrës zyrtare”.

Policia ka bërë të ditur se personi me inicialet B.K., mashkull, pas arrestimit është dërguar për të vuajtur dënimin, në bazë të urdhëresës së lëshuar nga gjykata.