Një 23-vjeçar është arrestuar nga Policia Kufitare në pikën kufitare të Muriqan, me qëllim ekstradimin e tij drejt Kosovës.
Sipas njoftimit zyrtar, arrestimi u bë si rezultat i kontrolleve të shtuara dhe bashkëpunimit me Interpol Tirana, ku i dyshuari u ndalua në tentativë për t’u larguar nga Shqipëri.
Bëhet e ditur se 23-vjeçari, i cili jetonte në Francë, ishte shpallur në kërkim ndërkombëtar nga autoritetet kosovare për veprën penale “Prodhim dhe shitje të lëndëve narkotike”.
Pas arrestimit, ai është vendosur në dispozicion të autoriteteve përkatëse, ndërsa pritet që në bashkëpunim ndërmjet Interpol Tirana dhe institucioneve të Kosovës të finalizohen procedurat për ekstradimin e tij.
