Ardian Shala nga LDK viziton Sllapuzhanin: Prioritet ujësjellësi, kanalizimi dhe mbështetja për fermerët

Kandidati për kryetar të Komunës së Suharekës nga radhët e Lidhjes Demokratike të Kosovës, Ardian Shala, vizitoi sot fshatin Sllapuzhan, shkruan GazetaDemos.

Në takim me banorët, Shala theksoi se është e papranueshme që një fshat me një pozitë kaq të rëndësishme gjeografike dhe me njerëz mikpritës të vazhdojë të përballet me mungesë të ujit të pijshëm, kanalizim të dëmtuar dhe infrastrukturë të dobët.

“Me programin tonë do të sjellim ujë të pijshëm, infrastrukturë funksionale dhe mbështetje të drejtpërdrejtë për fermerët dhe frutikulturën. Sllapuzhani dhe Suhareka meritojnë më shumë, dhe ne do ta bëjmë këtë realitet së bashku”, shkruan ai.

Postimi i plotë:

Sllapuzhani

Sot ishim në Sllapuzhan, fshatin që i uron mirëseardhje çdo vizitori që hyn në komunën tonë nga autostrada, fshatin që i hap dyert e Suharekës me mikpritjen e njerëzve të vet. Nuk e meriton ky vend të mbetet me mungesë uji, kanalizim të dëmtuar dhe infrastrukturë të dobët.

Me programin tonë do të sjellim ujë të pijshëm, infrastrukturë funksionale dhe mbështetje të drejtpërdrejtë për fermerët dhe frutikulturën. Sllapuzhani dhe Suhareka meritojnë më shumë, dhe ne do ta bëjmë këtë realitet së bashku!

#ArdianShala113

#LDK

#SuharekaPërtej