Ardian Shala mbështet prodhuesit vendorë në gala mbrëmjen e organizuar nga “Theranda Wine”

Kandidati i LDK-së për kryetar të Komunës së Suharekës, Ardian Shala, ka marrë pjesë në gala mbrëmjen e organizuar nga kompania e njohur vendore Theranda Wine , e cila njihet për prodhimin e verës cilësore nga vreshtat e Suharekës, të destinuar për tregun vendor dhe atë ndërkombëtar.

Në një postim në rrjetet sociale, Shala e ka vlerësuar lart punën dhe suksesin e kompanisë, duke theksuar se mbështetja për prodhuesit vendorë është një ndër prioritetet e tij. Ai ka shprehur përkushtimin që të jetë gjithmonë në shërbim të atyre që kultivojnë dhe përfaqësojnë më së miri potencialin e jashtëzakonshëm që ofron Suhareka.

“Mbështetja për prodhuesit vendorë është prioriteti ynë. Suhareka ka potencial të jashtëzakonshëm dhe unë do të jem gjithmonë në shërbim të atyre që e kultivojnë dhe përfaqësojnë më së miri,” ka deklaruar Shala.

Me praninë e tij në këtë ngjarje, Ardian Shala ka theksuar rëndësinë e bashkëpunimit mes institucioneve dhe sektorit privat, si dhe nevojën për politika që e fuqizojnë ekonominë vendore dhe promovojnë prodhimet cilësore të Suharekës.

Postimi i plotë:

Theranda Wine

Kisha kënaqësinë të marr pjesë në gala mbrëmjen e organizuar nga Theranda Wine, një prej kompanive tona më të suksesshme që prodhon verë cilësore për tregun vendor e atë ndërkombëtar, nga vreshtat e Suharekës.

Mbështetja për prodhuesit vendorë është prioriteti ynë. Suhareka ka potencial të jashtëzakonshëm dhe unë do të jem gjithmonë në shërbim të atyre që e kultivojnë dhe përfaqësojnë më së miri.

#TherandaWine #ProdhuesVendorë #Suhareka