U anulua ceremonia hapëse e Kamenica Summer Fest 2026, për shkak të ndarjes nga jeta të profesorit Petrit Kallaba
Kjo u bë e ditur nga kryetari i kësaj komune, Kadri Rahimaj.
Njoftimi:
NJOFTIM ME RËNDËSI
Të nderuar qytetarë, për shkak të ndarjes nga jeta të profesorit Petrit Kallaba, është vendosur të anulohet ceremonia hapëse e Kamenica Summer Fest 2026, e planifikuar të mbahej sonte.
Në shenjë respekti dhe solidarizimi me familjen Kallaba, ky aktivitet nuk do të zhvillohet sipas agjendës së paraparë.
Për datën e re të ceremonisë hapëse, si dhe për zhvillimin e aktiviteteve të tjera të planifikuara në kuadër të festivalit, do të njoftoheni me kohë përmes kanaleve zyrtare të Komunës së Kamenicës.
Në këto momente të vështira, shprehim ngushëllimet tona më të sinqerta për familjen Kallaba, të afërmit, miqtë dhe të gjithë ata që e njohën profesor Petritin.
Sinqerisht,
Kadri Rahimaj
