Aktori dhe shkrimtari boshnjak Feda Stukan ka vizituar Prishtinën, ku është takuar me botuesin shqiptar Behxhet Bici.
Stukan kishte ardhur me motoçikletë dhe pas takimit publikoi një fotografi me Bicin, duke shkruar me ironi:
“Nëse Kosova është Serbi, si mund të hyj në Kosovë, ndërsa në Serbi jo?”
Deklarata lidhej me faktin se Stukanit i është ndaluar hyrja në Serbi që nga viti 2024.
Pas postimit reagoi kryetari i Kuvendit të Republikës Srpska, Nenad Stevandic, i cili i tha Stukanit që “të provojë” të vijë në Banja Llukë, duke përmendur edhe lagje konkrete të qytetit.
“Edhe Hitleri do të mund të hynte në Kosovë, por në Serbi nuk do ta linin, sikurse as cilindo narkoman dhe snajperist të formacioneve paraushtarake të tipit të Ligës Patriotike të Bosnjë-Hercegovinës, sipas pranimit të tij. Le të provojë në Republikën Srpska, për shembull në Banja Llukë, në lagjet Starcevica ose Laus. Ose t’i vizitojë Vultures.
Deklarata e Stevandicit u interpretua si kërcënim i tërthortë dhe nxiti reagime në mbështetje të Stukanit.
Në një prej tyre thuhej: “Feda, eja në Banja Llukë. Askush nuk ka të drejtë të të caktojë zona të ndaluara në vendin tënd”, ndërsa u theksua edhe se “Kosova nuk është në Serbi”.
