Aksioni i Krimeve Ekonomike: Gjendet ari i fshehur në Pejë, dyshohet të jetë i kontrabanduar

Në aksionin e Prokurorisë Themelore të Pejë në bashkëpunim me Krimet e Ekonomike të Kosovës të asistuara nga Dogana e Kosovës është gjetur një sasi arit të fshehur pa dokumentacion. Burime të “Betimit për Drejtësi” kanë treguar se i njëjti dyshohet të jetë i kontrabanduar.

Sasia është gjetur me ndihmën e pajisjeve speciale për kontroll të Doganës.

Aksionin e ka konfirmuar edhe prokurorja e rastit, Arlinda Gacaferri.

Gacaferri ka thënë se aksioni po zhvillohet në kuadër të hetimeve për veprat penale “kontrabandim i mallrave” dhe “mashtrim i konsumatorëve”.

“Aksioni po zhvillohet në dy lokacione, përkatësisht për dy argjendari dhe për objektet përcjellëse të dyqaneve përkatëse, në drejtim të veprave penale kontrabandim i mallrave dhe mashtrim i blerësve”, tha për “Betimin për Drejtësi” Gacaferri.