Një aksident trafiku ka ndodhur sot në rrugën “Brigada 123” në Suharekë.
Nga Policia e Kosovës kanë thënë për gazetën online Reporteri.net se në aksident kanë qenë të përfshira dy vetura dhe një person ka mbetur i lënduar. I njëjti është dërguar në emergjencë për trajtim mjekësor.
“Sot, më datë 23 dhjetor 2025, rreth orës 13:40, në rrugën “Brigada 123″, në Suharekë , është raportuar për një aksident trafiku ku kanë qenë të përfshirë dy automjete. Si pasojë e këtij aksidenti një person ka pësuar lëndime trupore dhe është dërguar për trajtim mjekësor në Emergjencë.
Menjëherë pas raportimit të rastit, në vendngjarje kanë dalë njësitet policore përkatëse, të cilat kanë siguruar perimetrin, kanë ndërmarrë veprimet e nevojshme hetimore dhe janë duke punuar për të sqaruar të gjitha rrethanat që kanë çuar deri te aksidenti”, kanë thënë nga Policia e Kosovës
