Presidentja Vjosa Osmani ka ngushëlluar popullin dhe liderët e Portugalisë pas aksidentit tragjik me tramvaj ku humbën jetën së paku 15 persona dhe 18 të tjerë u lënduar. Tramvaji elektrik në Lisbonë doli nga binarët dhe u përplas.
Osmani tha se me zemër e në solidaritet është me presidentin Marcelo Rebelo de Sousa, kryeministrin Luís Montenegro dhe popullin e Portugalisë, pas aksidentit tragjik.
“Në emër të popullit të Republikës së Kosovës, u shpreh ngushëllimet e mia më të thella familjeve të viktimave dhe u uroj shërim të shpejtë të plagosurve. Ne qëndrojmë me miqtë tanë portugezë”, shkroi Osmani në X.
Our hearts and solidarity are with President @imprensagov Marcelo Rebelo de Sousa, Prime Minister @LMontenegro_PT , and the people of Portugal, following the tragic derailment of Lisbon’s Gloria funicular. On behalf of the people of the Republic of Kosovo, I extend my deepest…
Që nga viti 1885, tramvaji historik ka transportuar vendasit dhe vizitorët lart e poshtë disa qindra metra të një rruge të pjerrët me kalldrëm që lidh Sheshin Restauradores, një shesh që përkujton pavarësinë e Portugalisë nga Spanja, me distriktin Bairro Alto.
Autoritetet portugeze s’e kanë zbuluar identitetin e viktimave dhe as etninë e tyre, por thanë se mes të vdekurve ka edhe shtetas të huaj.
