Dy të rinj shqiptarë kanë humbur jetën si pasojë e një aksidenti të rëndë rrugor, i ndodhur në zonën e Kolymbarit, në Hania të Kretës.
Sipas mediave greke, aksidenti ndodhi rreth orës 03:00 në autostradën kombëtare, kur motoçikleta me të cilën udhëtonin dy shtetas shqiptarë, të moshave 28 dhe 34 vjeç, doli nga rruga për shkaqe që ende nuk janë sqaruar.
Si pasojë e daljes nga korsia, të rinjtë u përplasën me parmakun metalik mbrojtës, duke marrë plagë fatale.