Akllapi mobilizohet për t’ia ofruar fitoren Imri Ahmetit: Do ta shndërrojmë në destinacion turistik

“Akllapi i mobilizuar për fitoren tonë”, kështu tha kandidati i Lidhjes Demokratike të Kosovës për kryetar të komunës së Lipjanit, Imri Ahmeti, pas takimit që e zhvilloi sonte me banorët atje.

“Sonte, banorët punëtorë e të ndershëm të Akllapit, treguan qartë angazhimin e tyre në rrugën e zhvillimit dhe punës për Lipjanin”, tha ai.

Ahmeti kujtoi se në përkujdesje për të ardhmën e gjeneratave të reja, Akllapi ishte fshati i parë ku mbuluan shpenzimet e transportit për nxënësit.

“Në të ardhmen, ky fshat ka potencialin të shndërrohet në një destinacion turistik, duke u bërë model i zhvillimit lokal. Rruga kryesore e hyrjes do të zgjerohet, ndërsa për studentët dhe bujqit do të ofrojmë mbështetje konkrete që jeta në Akllap të bëhet më e lehtë dhe më e begatshme.

Faleminderit për mbështetjen dhe besimin tuaj vazhdojmë përtej fjalëve, me punë për Lipjanin!”, tha ai.