AGK-ja mirëpret ndarjen e buxhetit për RTK’në: Qeveria dhe VV ta ndalojë presionin politik

Asociacioni i Gazetarëve të Kosovës e ka mirëpritur vendimin e sotëm të Qeverisë në detyrë të Kosovës për të ndarë buxhetin për Transmetuesin Publik, RTK, nga kategoria e kursimeve.

Në njoftim thuhet se ky vendim është një lehtësim i vonuar për 700 punonjësit e RTK-së dhe familjet e tyre.

“AGK shpreh keqardhje që situata e pritjeve të gjata për paga është përsëritur dy herë brenda vitit. Edhe vendimi i sotëm është i përkohshëm”, thuhet në reagim.

Qeverisë dhe VV’së i është bërë thirrje që të “ndalojë presioni politik nga Qeveria”.

“AGK-ja bën thirrje që financimi stabil i RTK-së të jetë prioritet në legjislaturën e re vitin tjetër, ashtu sikurse edhe zgjidhja e problemit me pronën përmes një ligji të ri. AGK gjithashtu bën thirrje që të respektohet pavarësia editoriale e Transmetuesit Publik dhe që të ndalojë presioni politik nga Qeveria dhe partia politike Vetëvendosje”.