Adil Maloku i AAK-së publikon pamje nga tubimi i partisë: Deçani vazhdimisht ka qëndruar krah Ramush Haradinajt

Në kuadër të takimeve elektorale me sloganin “Krah Teje”, kandidati për kryeministër i Republikës së Kosovës nga Aleanca për Ardhmërinë e Kosovës, Ramush Haradinaj, së bashku me kandidatët për deputetë të kësaj partie, u prit sot në Deçan nga qytetarë të shumtë, shkruan GazetaDemos.

Takimi u karakterizua nga një pjesëmarrje e gjerë dhe një atmosferë mbështetëse, duke dëshmuar edhe një herë përkrahjen e vazhdueshme që Deçani i ka dhënë Ramush Haradinajt ndër vite.

Kandidatët e AAK-së shprehën mirënjohjen e tyre për mikpritjen dhe mbështetjen e treguar nga qytetarët e këtij qyteti.

“Deçani ka qëndruar gjithmonë krah Ramushit dhe vlerat që ai përfaqëson. Kjo mbështetje na obligon të vazhdojmë punën me përkushtim dhe përgjegjësi,” u tha gjatë takimit.

Aleanca për Ardhmërinë e Kosovës po vazhdon takimet me qytetarë në mbarë vendin, duke përcjellë vizionin dhe programin e saj politik nën sloganin “Krah Teje” , me synimin për një Kosovë më të zhvilluar dhe më të drejtë për të gjithë.