Lideri i LDK-së Lumir Abdixhiku ishte në tubimin përmbyllës të kësaj partie në Junik, transmeton Demos.
Abdixhiku deklaroi se festa e fitores ka nisur në këtë vend.
”Në Junik, festa e fitores ka nisur më herët.
Në qytetin e besës e të lavdisë, mes njerëzve të drejtë e punëtorë, ndjeva sërish pse kjo rrugë ka kuptim.
Junikasit dinë të zgjedhin me zemër dhe me mendje. E dinë se kush ka punuar me ta dhe për ta; dhe Juniku në të shkuarën nuk kthehet. Ruzhdi Shehu, njeriu ynë i punës, i besës dhe i fjalës së mbajtur, është fytyra e LDK-së në këtë qytet.
Falënderim për secilin aktivist, për çdo derë të hapur, për çdo takim plot dashuri e besim. Ju që ecët me ne në këtë rrugë, e bëtë të mundur që fushata të kthehej në një rrëfim njerëzor e dinjitoz.
Nesër fitojmë në Junik. Ruzhdi Shehu edhe katër!”, deklaroi Abdixhiku.
