Kandidati për kryeministër nga PDK, Bedri Hamza, ka folur për një Qeveri ‘ideale’ sipas tij. Ai ka thënë se sipas tij, Qeveria e ardhshme duhet të jetë nga partitë që kanë qenë në opozitë.
“Gjithmonë ka vend për rerflektim, sa reflektojnë është temë tjetër. Preferenca jem për Qeverinë e ardhshme, është që ne të kemi Qeveri prej partive që në mandatin e kaluar kanë qenë në opozitë, pra PDK, LDK dhe AAK dhe minoritetet. Kjo do të jetë përbërja e Qeverisë së ardhshme. Për shkak të programeve, bindjeve dhe se me disa parti kemi dallime kioneptuale, pra jemi largas”, ka thënë Hamza.
Ai është pyetur nëhse ka vija te kuqe me VV-në, për çka ka thënë se jo nëse ata reflektojnë për gabimet.
Ai ka thënë se VV ka premtu renhd e ligj, por kanë sjell afera prej më të ndryshmëve, kontrata njëburimore qaq sa thotë ai se për t’i numëruar duhet shumë kohë.
Hamza në KlanKosova ka kritikuar edhe gjuhën e përdorur nga partia në pushtet për 5 vitet e fundit.
“Gjuha duhet të jetë më e zgjedhur. diskursi polarizimi që është përdorur viteve të fundit, e ka bërë përçarjen e shoqërisë dhe ka krijuar një ngërç në shoqëri. U vërejt se vijat politike të vendosura nga partitë politike, po e dëmtojnë vendin. Nuk do të thotë që dikushy që nuk mendon dhe nuk të përkah ty, është i padijshëm dhe me e sha e fy. Kjo duhet t’i përket të kaluarës, garojmë me ekipe, programe, vizione dhe me punë”, ka shtuar Hamza.
Ai ka thënë se tek ai, prioritet është interesi i vendit.
“Në prioritetet e mia, interesi i vendit është mbi interesit të partive politike, edhe mbi interesit të PDK-së. Mund të ketë një ndikim në vota, e kuptoj këtë, por interesi i shtetit është i pari .Dhe nëse është interesi i shtetit është i pari,garojmë me programe, vizione të ndryshme, por të gjithë bashkë duhet të kontribuojmë në interes të shtetit”, ka shtuar Hamza.
