Ushtruesja e detyrës së presidentes, Albulena Haxhiu, në pyetjen e një gazetari për protesta të paralajmëruara nga opozita në shtator, tha se ata duhet “të tregojnë arsyen se për çfarë duan të protestojnë”.
“Nëse është për Specialen, ne ende nuk e dimë se cili do të jetë vendimi i Gjykatës Speciale. Unë uroj shumë që gjykata ta korrigjojë kërkesën e padrejtë të Prokurorisë Speciale. Nëse e kanë për këtë arsye atëherë unë mund t’ua kujtoj atyre që s’e kam votuar Gjykatën Speciale e as subjekti Vetëvendosje që ata e akuzojnë. Është mirë që të kërkojnë falje publike për këtë dëm që ia kanë shkaktuar vendit”.
Më pas Haxhiu lavdëroi qeverisjen e Albin Kurtit për punën që “ka bërë” për krimet e luftës.
“Ne kemi kërkuar në vazhdimësi që të fuqizohen institucionet tona të drejtësisë. Përsëri këtë që e kemi bërë në mandatin tonë qeverisës. Kur ne kemi qenë në qeverisje, kemi filluar me adresimin e përgjegjësive për adresimin e krimeve të luftës. Dhe unë besoj që secili pajtoheni me ne, me mua, që tash ka një seriozitet në adresimin e krimeve të luftës, në polici dhe në prokurori speciale. Por ata kanë zgjedhur një rrugë të gabuar dhe për të cilën duhet të mbahen përgjegjës. Unë këtë e kam thënë pa asnjë hezitim kudo dhe kurdo”, tha ajo.
