Djali i ish-presidentit të Kosovës, Hashim Thaçi, Endrit Thaçi ka folur si rrallë herë për mungesën e babait pas përballjes në Dhomat e Specializuara të Hagës, atje ku po gjykohet tash e pesë vjet.
Thaçi gjatë pothuajse tërë rrëfimit shprehu bindjen e tij të thellë për lirimin e babait, teksa i pyetur se a është i bindur që pas lirimit, Hashim Thaçi do t’i kthehet politikës, ai u shpreh se do ta respektoj çdo vendim të tij.
“Nuk ka politikan më të përmbushur dhe më të suksesshëm se babai. A do të kthehet në politik apo joatë nuk e di, por unë do ta respektoj çfardo vendimi do ta merr”, tha ai.
“Askush nga politikanët [e Kosovës] nuk mundet ta kalojë historinë që e ka kaluar babai. Babai e ka kaluar historinë e Kosovës që nga themelimi i UÇK-së, që nga Rambujeja, bisedimet në Vjenë, pavarësia, shtetndërtimi, historia flet, nuk kam nevojë të flas unë”, tha ai te Grida Duma.
