Aleanca Kosova e Re, tashmë i ka filluar përgatitjet për zgjedhjet e jashtëzakonshme të 28 dhjetorit.
Brenda këtij subjekti kanë nisur edhe diskutimet se me cilën parti do të kenë koalicion parazgjedhor.
Ushtruesi i detyrës së kryetarit, Vesel Makolli deklaroi për Klankosova.tv se janë duke e shqyrtuar ofertën e kreut të LDK-së Lumir Abdixhikut.
Makolli tha se me Lidhjen Demokratike kishin garuar në një listë të përbashkët në zgjedhjet lokale në Prishtinë.
Do ta shqyrtojmë ofertën e kandidatit të LDK-së për Kryeministët dhe në ditët në vazhdim do të vendosim për përcaktimin tonë. Përndryshe në zgjedhjet lokale për kryeqytetin, AKR-ja në marrëveshje me LDK-në kemi garuar në një listë të përbashkët”, deklaroi Makolli për Klankosova.
“Vendimi ende s’është marrë se me cilin subjekt, por numri i kandidatëve do të sillet rreth numrit pesë”, theksoi ai.
