Kandidati i AAK-së për deputet, Arbër Tolaj, me numër 5 në listë, pas përmbylljes së takimit të fundit në kuadër të fushatës zgjedhore, shpehu bindjen e tij në fitore.
“Sonte, në kryeqytet, i dhamë fund fushatës zgjedhore, me një energji të jashtëzakonshme, si dhe me një mesazh të qartë, Kosova ka nevojë për vendosmëri, përvojë dhe lidership të dëshmuar”, tha ai.
Tolaj tha se së baahku me bashkëpartiakët treguan unitet dhe besim në fitore.
“Kjo fushatë u ndërtua mbi premtime konkrete për zbatim, shëndetësi funksionale dhe dinjitet për mjekët, infermierët dhe pacientët. Arsim cilësor dhe siguri në shkolla, ekonomi të fortë, vende pune dhe zhvillim të barabartë për çdo rajon, siguri dhe shtet të fortë për qytetarët.
Prishtina sonte foli qartë, faleminderit për përkrahjen, për besimin dhe për energjinë që na jepni çdo ditë. Rruga përpara është e qartë, bashkë, krah njëri-tjetrit, drejt fitores!”, tha ai.
