Tolaj në Ditën Ndërkombëtare të Solidaritetit Njerëzor: Pokitika duhet të jetë gjithmonë aty ku ka nevojë

Kandidati për deputet në Kuvendin e Kosovës nga radhët e AAK-së, Arbër Tolaj i cili mban numrin 5 në listë, në Ditën Ndërkombëtare të Solidaritetit Njerëzor, ka vlerësuar solidaritetin si vlerë qe e karakterizon popullin tonë.

Ai ka thënë se pikërisht nga solidariteti me njëri-tjetrin, ka rrjedhë edhe motoja e tyre “Krah Teje”.

“Sot, po shënojmë Ditën Ndërkombëtare të Solidaritetit Njerëzor, një vlerë që populli shqiptar e ka dëshmuar ndër vite, në ditë të vështira, e në sfida të mëdha, gjithmonë duke qëndruar krah njëri-tjetrit.

Solidariteti është në gjenin tonë, në mbështetjen për familjet në nevojë, në kujdesin për të moshuarit, në sakrificën për liri dhe në gatishmërinë për të ndihmuar pa kushte.

Me këtë frymë vjen edhe motoja jonë “Krah Teje”, sepse politika duhet të jetë njerëzore, pranë qytetarit, pranë halleve dhe shpresave të tij. Jo larg, jo indiferentë, por gjithmonë aty ku ka nevojë”, tha ai.

Tolaj shtoi se vetëm duke qenë krah njëri-tjetrit, ndërtojmë një Kosovë më të drejtë dhe më njerëzore.