Besnik Osmani merr mbështetje në Bardh të Madh: Çdo vendbanim është në qendër të vëmendjes sonë

Kandidati i LDK-së për kryetar të Fushë Kosovës, Besnik Osmani ka vazhduar takimet në Bardh të Madh në kuadër të fushatës zgjedhore.

Banorët atje e mirëpritën ngrohtë teksa i ofruan përkrahje të madhe.

“Në Bardh të Madh takuam banorët për të prezantuar programin tonë qeverisës dhe kandidatët e shkëlqyer të kësaj zone. Na priti një mikpritje e ngrohtë dhe përkrahje e sinqertë, për të cilat shprehim mirënjohjen tonë të thellë”, tha ai.

Osmani në këtë takim premtoi mirëqenie e zhvillim për të gjithë.

“Së bashku do të punojmë për projektet e ardhshme, që garantojnë mirëqenie dhe zhvillim për të gjithë, pa përjashtim.

Çdo vendbanim është dhe do të mbetet në qendër të vëmendjes sonë – dhe shumë investime të rëndësishme na presin në mandatin e parë qeverisës”, tha ai.