Abdixhiku: 12 tetori është dita kur Suhareka dhe Kosova do të flasë qartë, për të ardhmen, për LDK-në

Kryetari i LDK-së, Lumir Abdixhiku sonte qëndroi në Suharekë ku u prit nga shumë qytetarë, shkruan Demos.

Abdixhiku deklaroi se “12 tetori është dita kur Suhareka dhe gjithë Kosova do të flasë qartë: për shpresën, për të ardhmen, për Lidhjen Demokratike të Kosovës.”

”Suhareka e ndryshimit, Suhareka e LDK-së!

“Dhe sonte, dua të jem shumë i qartë me ju! Është koha që Suhareka të kthehet në LDK. Është koha që ky qytet i Ukë Bytyçit, ky qytet i patriotëve të mëdhenj, të kthehet aty ku i takon – në krah të Lidhjes Demokratike të Kosovës; shtëpisë suaj tëvërtetë.”

Sonte qëndruam mes qytetarëve tanë në këtë qytet të madh, aty ku gjithmonë është ndjerë fuqishëm fryma e së djathtës, e punës dhe e vlerave tona.

Prezentuam Ardian Shalën, kandidatin tonë për kryetar, dhe ekipin e përkushtuar të LDK-së për Kuvendin Komunal. Është ekipi i njerëzve të përgjegjshëm, të ndershëm, të punës; njerëz që dinë të dëgjojnë qytetarët e të kthejnë besimin në zhvillim të vërtetë.

12 tetori është dita kur Suhareka dhe gjithë Kosova do të flasë qartë: për shpresën, për të ardhmen, për Lidhjen Demokratike të Kosovës!”, shkroi Abdixhiku.