25-vjeçari që u plagos në Podujevë ishte kalimtar rasti – Policia sekuestron 23 prova materiale, përfshirë armë e gëzhoja

Një ngjarje e rëndë ka ndodhur sot në Podujevë, ku si pasojë e të shtënave katër persona mbetën të plagosur në një incident me armë zjarri.

Sinjali mëson se A.I rreth 25 vjeç, sipas informacioneve fillestare, ishte kalimtar i rastit në momentin kur u hap zjarri.

Po ashtu raportohet se deri në këtë fazë të hetimeve, njësitë policore kanë identifikuar dhe sekuestruar 23 prova materiale në vendin e ngjarjes, përfshirë armë, gëzhoja dhe dëshmi të tjera që pritet të ndihmojnë në zbardhjen e plotë të rastit.

Tre autoambulanca kanë transportuar të plagosurit nën përcjelljen e Policisë.

Policia dhe Prokuroria po vazhdojnë hetimet intensive për të sqaruar rrethanat e incidentit dhe për të identifikuar të gjithë personat e përfshirë.