2 euro fals, persona të panjohur dyshohet se deponuan qindra monedha në Prizren

Një rast i dyshuar i deponimit të parave të falsifikuara është raportuar në Prizren.

Sipas Policisë së Kosovës, dje një zyrtar i një banke ka njoftuar policinë se persona të panjohur kanë deponuar 323 monedha metalike nga 2 euro, të cilat dyshohet se janë të falsifikuara.

Policia ka bërë të ditur se rasti është nën hetime.

“Prizren/ 20.05.2026-NN. Ankuesi m/k zyrtar i një Banke ka raportuar se nga person-a të panjohur janë deponuar 323 x 2 euro monedha metalike që dyshohet se janë të falsifikuara, rasti nën hetime”.