10 raste të dhunës në familje janë regjistruar në raportin e fundit 24-orësh të Policisë së Kosovës.
Rastet përfshijnë dhunë psikike dhe fizike, kanosje ndaj familjarëve, si dhe dëmtim të pronës. Policia ka arrestuar e ndaluar disa persona nga komuna të ndryshme të vendit.
Rasti i vrasjes së Arlinda Zekajt ka shtuar vëmenndjen ndaj dhunës në familje dhe ka shtuar kërkesat për trajtim më të përgjegjshëm institucional ndaj viktimave dhe vlerësimit të rrezikut.
Raporti i policisë për dhunë në familje:
DHUNË NË FAMILJE
· Fushë Kosovë 06.11.2026 – 05:00. Është raportuar se prindi- i dyshuari mashkull kosovar, i cili ka probleme psikike, ka kanosur familjarët. Me vendim të prokurorit, i dyshuari dërgohet në mbajtje.
· Prishtinë 06.11.2026 – 12:55. Është raportuar se i dyshuari mashkull kosovar, ka ushtruar dhunë psikike ndaj viktimës femër kosovare. Viktima dhe i dyshuari kishin bashkëjetuar më parë dhe kanë dy fëmijë të përbashkët. I dyshuari është arrestuar dhe pas intervistimit me vendim të prokurorit është dërguar në mbajtje.
· Gllogoc 06.11.2026 – 21:00. Është arrestuar i dyshuari mashkull kosovar, për shkak se pas një mosmarrëveshje kishte ushtruar dhunë psikike ndaj bashkëshortes së tij. Me vendim të prokurorit, i dyshuari pas inicimit të rastit është dërguar në mbajtje.
KANOSJE
· Fushë Kosovë 06.11.2026 – NN. Është raportuar se ankuesja femër kosovare, se pas një mosmarrëveshje është kanosur dhe ofenduar përmes telefonit nga bashkëshorti i saj i dyshuari mashkull kosovar. I dyshuari është arrestuar dhe me vendim të prokurorit pas inicimit të rastit është dërguar në mbajtje.
· Prishtinë 06.11.2026 – 22:30. Është arrestuar i dyshuari mashkull kosovar, për shkak se kishte kanosur motrën dhe babanë e tij. I dyshuari pas intervistimit me vendim të prokurorit është dërguar në mbajtje.
