Ky është zyrtari policor i plagosur në Fushë Kosovë, ishte kalimtar rasti 

Para rreth një ore më parë u dëgjuan të shtëna me armë zjarri në Fushë Kosovë, ku për motive akoma të panjohura një person u qëllua dhe mbeti i plagosur, raporton Demos.

Plagosja ndodhi rreth orës 13:00 në rrugën “Fehmi Lladrovci” dhe se personi i cili mbeti i lënduar nga të shtënat e armës është një zyrtar policor.

Polici i cili mbeti i plagosur në Fushë Kosovë është Misin Krasniqi – i cili thuhet se ishte kalimtar rasti në momentin kur u qëllua me armë zjarri.

Lajmi është konfirmuar për GazetaDemos edhe nga Policia e Kosovës ku kanë thënë se hetuesit policor në koordinim me prokurorinë, po ndërmarrin  veprimet hetimore për ndriçimin e plotë të rastit.