Ish-operativisti shqiptar në shërbimin shtetëror jugosllav, Sherif Krasniqi, në pjesën e dytë të emisionit n’Demos ka folur për rrethanat dhe mënyrën e vrasjes së Tahir Mehës, shkruan Gazeta Demos.
Mes tjerash ai ka rrëfyer edhe për shkathtësitë e Mehës në shërbimin ushtarak.
Krasniqi tha për emisionin n’Demos se Tahir Meha ishte lëshuar dy herë nga shërbimi ushtarak jugosllav, për shkak se ishte i shkëlqyeshëm.
“Une kam bisedu me një profesor të shkollës së naltë komerciale në Pejë, që ka qenë ushtar me Tahir Mehën, ai më ka tregu se Tahiri është lëshu dy herë në pushim si dhuratë, për shkak të rezultateve të tij si shenjëtar. Ka qenë shenjëtar i shkëlqyeshëm, super i shkëlqyeshëm”, u shpreh Krasniqi.
Tutje ai bëri të ditur se Meha ka qenë dashamir i madh i armëve, ku është marrë edhe me shit-blerje të armëve.