Deputetja e Lidhjes Demokratike të Kosovës, Rrezarta Krasniqi, në seancën e sotme të jashtëzakonshme, është shprehur se shëndetësia në Kosovë nuk ka qenë asnjëherë më keq se tani nën qeverisjen e Lëvizjes Vetëvendosje.
Krasniqi e ka quajtur kryeministrin Albin Kurti si “virus”
Këtë emër ajo ia ka vënë sipas saj, si pasojë e goditjes nga një virus i rëndë që njihet me emrin Albin Kurti apo Vetëvendosje, që ka depërtuar në të gjitha poret e sistemit shëndetësor.
“Merreni me mend, për 3 vite të qeverisjes janë ndërruar 3 ministra të Shëndetësisë dhe 4 drejtora të SHSKUK-së, ndërkohë prodhuan vetëm dështime”, ka thënë ajo.
Tutje, Krasniqi është shprehur se për këtë nuk ka dhënë përgjigje askush, e madje as kryeministri që mund të ketë harruar që ka atë pozicion.
“Për këtë nuk ka përgjigje askush, madje as Kryeministri i cili mund të ketë harruar që ka edhe atë pozicion, sepse nuk ka bërë asnjë lëvizje të vetme. Ndërkohë për t’ua edhe rikujtuar qytetarëve. Kosova vazhdon të përballet me mungesë të sigurimeve shëndetësore dhe pa sistem të informimit shëndetësor”, u shpreh ajo.