Ish i burgosuri politik, Sherif Konjufca i ftuar në emisionin “n’Demos” ka rrëfyer një takim me familjen emblematike Jashari gjatë kohës sa punonte si gazetar.
Ai ka treguar se si është pritur nga kryefamiljari, Shaban Jashari.
“Nga një shok i burgut, Gani Koci, kishim informacion se një familje është duke u maltretuar në Drenicë, familja Jashari dhe një familje e miqëve të Jasharajve. Unë isha gazetar, dhe shkova në shtëpinë e Jasharajve, pata një intervistë me Shaban Jashari, më pas Luli, i biri i Ademit më dërgoi edhe tek një shtëpi tjetër e bëra edhe me të intervistë. Deri sa po darkonim me migjën Shaban, hynë Ademi e Hamza të armatosur rëndë, unë u befasova se nuk prisja diçka të tillë, kemi pasur biseda të gjata me ta”, ka rrëfyer Konjufca, përcjell GazetaDemos.
Gazetari dhe aktivisti shqiptar ka zbuluar edhe ofertën që ia bën Jasharajt që t’iu bashkangjitet në luftë.
“Gjatë bisedës, ata më ofruan bashkëpunim që të hyjë në umbrellën e tyre, po unë u thash se kam qenë ushtar i keq, nga pesë plumba menzi e pata qëllu tabelën, Ademi fliste më rrallë, ndërkaq Hamza tha o nuk po të themi me ardhë me luftu, por me na tregu se cili kriminel lyp me u ndëshku. Në atë intervistë flet mixha Shaban për dhunën e shkaktuar nga serbët tek ta. Ata ishin të hapur luftëtar të lirisë, që kërkonin shokë për të bërë një rezistencë të armatosur në Kosovë”, ka deklaruar ai.
Emisioni i plotë: