Ushtruesi i detyrës së kryetarit të Organizatës së Veteranëve të Luftës së UÇK-së, Faton Klinaku është rikthyer sërish për të folur për Gjykatën Speciale.
Ashtu si gjithmonë, ia hodhi kritika të shumta ndaj këtij institucioni, duke komentuar më pas edhe dënimin nga Salih Mustafës.
Siç ka thënë Klinaku, nga kjo gjykatë ka pritur një dënim të tillë, teksa ktheu në kujtesë faktin se e njëjta është themeluar me presion të vazhdueshëm.
“Këtu janë manipuluar dhe janë shantazhuar njerëz që të japin dëshmi të ndryshme, këto i kemi parë ne edhe në drejtësitë e kaluari si UNMIK-u dhe EULEX-i ku kanë zhdukur e përpunuar edhe prova, dhe të njëjtit gjykatës të Gjykatës Speciale janë si në UNMIK dhe EULEX.
Gjykata Speciale e Kosovës nuk është krijuar për të bërë drejtësi, themelimi i saj është bërë në presione të ndryshme, sepse ju e dini që në herën e parë ka dështuar krijimi i saj sepse ka pasur vetëm 75 vota e është dashur t’i ketë 80.
Përderisa Kuvendi i Kosovës nuk e ka miratuar pse me presione dhe shantazhe të ndryshme është rikthyer ai vendim dhe pastaj është miratuar me 2/3 e votave me presione e shantazhe të ndryshme që ju kanë bërë deputetëve”, ka deklaruar Klinaku në Kanal10.