Ku kanë lëndime dhe ku i kanë plumbat, kjo është gjendja e dy të rinjve që dyshohet se u plagosën nga polici në Mramor

Një plagosje me armë zjarri e cila ka ndodhur sot në fshatin Sutesk, te Liqeni i Badovcit.

Sipas burimeve, dy persona kanë mbetur të plagosur si pasojë e gjuajtjes me armë, derisa në rast dyshohet se është i përfshirë edhe një person i cili është zyrtar policor.

Burimet e Sinjalit kanë bërë me dije se dy të lënduarit janë dërguar në QKUK për trajtim, pasi kanë pësuar lëndime trupore.

Për gjendjen e tyre kanë folur nga QKUK, Ejup Govori, mjek kujdestar, ka thënë për Sinjalin se njëri nga të plagosurit ka hyrë në sallën e operacionit.

“Njëri nga të plagosurit është gati për të hyrë në sallë ndërsa tjetri është duke u pranuar, të dy janë në Emergjencë. Personat kanë lëndime në kokë ndërsa plumbat janë në pjesë e poshtme të trupit, në pjesën abdominale. Njëri i plagosur është i vitit të lindjes 1994 ndërsa tjetri 1999 ”, tha Govori.