sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Teknologji
    • Video
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Lajme

    KFOR-i vendos barrikada të reja në afërsi të Manastirit të Deçanit, kryetari i komunës kërkon të hiqen

    09/07/2021 07:27
    Share
    Facebook Twitter WhatsApp

    Ndërtimi i rrugës Deçan-Plavë, vazhdon të mbetet sfidë për autoritetet komunale por edhe për vetë qytetarët e Deçanit, e kjo shkak i kontekstit që është me Manastirin që gjendet në këtë komunë.

    Ditëve të fundit forcat e KFOR-it, në afërsi të Manastirit kanë bërë përforcimin e barrikadave.

    Një veprim i tillë ka nxitur reagimin e qytetarëve, të cilët kanë thënë se këto barrikada reflektojnë pasiguri, presion politik dhe pengesa për zhvillimin e jetës normale në këto hapësira.

    Lidhur me vendosjen e këtyre barrikadave, KFOR-i në një përgjigje për Telegrafin ka thënë se kjo është bërë për qëllim të mbrojtjes së Manastirit.

    “Punimet u bllokuan pasi nuk u respektuan kushtet e rëna dakord në fazën e projektimit për ekzekutimin e punëve nga kompania punë-kryese, në veçanti në lidhje me pajtueshmërinë me Ligjin për Zonat e Veçanta të Mbrojtura (Ligji 03/L-039, neni 6) i cili garanton mbrojtjen e manastireve, kishave e lokacioneve tjera fetare Ortodokse Serbe, si dhe lokacioneve historike dhe kulturore me rëndësi të veçantë për komunitetin Serb, si dhe komunitetet tjera në Kosovë. Ky ligj synon që të mbrojë nga çdo zhvillim ose aktivitet që mund ta dëmtojë kontekstin historik, kulturor, arkitektural ose arkeologjik, mjedisin natyror ose mjedisin vizual estetik”, kanë deklaruar nga KFOR-i.

    KFOR-i më tej ka theksuar se punimet në këtë zonë do të rinisin pas zgjidhjes së problemeve teknike.

    “Punimet me siguri se do të rinisin sapo të zgjidhen problemet teknike. Të gjitha lokacionet e trashëgimisë fetare dhe kulturore janë të çmueshme për të gjithë njerëzit në Kosovë dhe të gjithë duhet të kontribuojnë në ruajtjen e tyre”, thuhet në përgjigjen e KFOR-it.

    E kryetari i Deçanit, Bashkim Ramosaj ka thënë se ka qenë i informuar për vendosjen e barrikadave të reja në afërsi të Manastirit.

    Ramosaj ka thënë se insistimi i tij ka qenë që këto barrikada të hiqen krejtësisht.

    “Unë kam insistuar gjithmonë që këto barrikada mu largu krejt. Para disa dite kanë ardhur në zyre dhe më kanë informuar se do t’i heqin piramidat e betonit që kanë qenë, mirëpo për shkak të situatës dhe kontekstit me Manastirin më kanë thënë që nuk mund t’i heqin krejt por duhet mi vendos disa barrikada të reja nga druri, ku është thënë se do të mbjellin lule”, tha Ramosaj.

    Ai shtoi se largimi i tërësishëm i këtyre barrikadave nuk ka mundur të bëhet për shkak të situatës me Manastirin.

    “Insistimi im është që këto barrikada me i largu krejt, mirëpo për shkak të zonës së përgjegjësisë dhe zhurmës që po bënë Manastiri me Europa Nostra se është i rrezikuar, nuk kanë mundur mi largu krejt dhe kanë vendos disa barrikada të drurit ku do të mbjellin lule”, tha Ramosaj.

     

    Artikuj të ngjashëm

    Sëmuren 9 policë në Jarinje e Bërnjak, KFOR’i ndihmoi transportimin e tyre

    Abbott: Policia, KFOR-i e EULEX-i ta kryejnë punën e tyre në veri pa u shqetësuar për prioritetet politike

    KFOR-i amerikan lajmërohet nga veriu: Po ofrojmë mjedis të sigurt (VIDEO)

    Të Fundit

    E tmerrshme: Sulmohet seksualisht një 12-vjeçare

    KEDS njofton për punimet në rrjet, ja kush mbetet pa energji elektrike

    Shfaqen mbishkrime për Martin Berishajn në objektet e kryeqytetit

    Kërkohen dy të dyshuar për veprën “Vjedhje e rëndë”

    ​Koeficienti prej 105 euro i pa pranueshëm edhe për zjarrfikësit

    Ky portal mirëmbahet nga kompania "GazetaDemos SH.P.K". Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e redaksisë së "GazetaDemos SH.P.K". Për ta shfrytëzuar materialin e këtij portali obligoheni t'i pranoni kushtet e përdorimit.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • Video
    Facebook Instagram YouTube
    Te gjitha te drejtat e rezervuara © GazetaDemos - 2023

    Shkruani lart dhe shtypni Enter për të kërkuar. Shtypni Esc për të anuluar.