Të shtëna me armë zjarri ishin dëgjuar të dielën në qytetin e Gjakovës. Dy grupe që dyshohet se ishin përfshirë në konflikt janë gjuajtur me armë mes vete, për motive akoma të panjohura.
Për këtë rast janë ndaluar edhe tre persona që siç mëson ekskluzivisht Gazeta Sinjali janë: Z.H, A.H dhe E.M.
Policia ka konfiskuar edhe dy armë tek të dyshuarit e përfshirë në rast.
Nga Policia kanë bërë të ditur se në vendin e ngjarjes, pas ekzaminimeve janë gjetur gjashtë gëzhoja, që dyshohen të jenë të armëve që janë përdorur.
“Raportohet se pas një mosmarrëveshje ne mes te dy grupeve të njëjtit janë gjuajtur me armë ndërmjet vete. Në vendin e ngjarjes janë gjetur dhe sekuestruar gjashtë gëzhoja, një fishek dhe një predhë. Përveç dëmeve të shkaktuara nga arma e zjarrit në dy vetura që ishin të parkuara nuk raportohet për të lënduar.