Libri “Drejtësia pa llogaridhënie – Raporti Marty, Dhomat e Specializuara dhe deformimi i drejtësisë”, me autor, Ibish Neziri do të promovohet më 12 shkurt.
Ceremonia e promovimit do të fillojë nga ora 12:00, në ambientet e Institutit Albanologjik në Prishtinë.
NJOFTIM PËR PROMOVIM LIBRI
Ju njoftojmë se më 12 shkurt, me fillim nga ora 12:00, në ambientet e Institutit Albanologjik në Prishtinë, do të mbahet promovimi i librit: “Drejtësia pa llogaridhënie – Raporti Marty, Dhomat e Specializuara dhe deformimi i drejtësisë” autor: Ibish Neziri (botim i Shtëpisë Botuese Armagedoni) Libri është botuar në dy gjuhë, shqip dhe anglisht, dhe trajton në mënyrë kritike çështje thelbësore të drejtësisë, me fokus të veçantë në mungesën e llogaridhënies së Dhomave të Specializuara të Kosovës, me seli në Hagë. Përmes analizave, reflektimeve dhe dëshmive me vlerë dokumentare e shoqërore, autori ndriçon pasojat juridike, politike dhe shoqërore që ky mekanizëm ka prodhuar. Promovimi organizohet nga Shoqëria „Lëvizja“ dhe Shoqata e të Burgosurve Politikë të Kosovës. Të interesuarit për të vërtetën, drejtësinë dhe përgjegjësinë institucionale janë të mirëpritur të marrin pjesë në këtë promovim.
