Kastrati për dorëheqjen e Mehajt: S’lejon që të komandohet nga dikush tjetër, e ka karakterin e një ushtaraku

Në një intervistë në emisionin “60 Minuta” në KTV, ish-komandanti i Forcës së Sigurisë së Kosovës (FSK), Kadri Kastrati, ka dhënë komentet e tij në lidhje me dorëheqjen e Ministrit të Mbrojtjes, Armend Mehaj.

Kastrati theksoi se Ministria e Mbrojtjes në drejtimin e Armend Mehajt ka arritur rezultate të mira dhe ka kontribuar në rritjen e bashkëpunimit me partnerët strategjikë, veçanërisht Shtetet e Bashkuara të Amerikës.

Ai ka vlerësuar rritjen e investimeve në armatim dhe pajisjet e nevojshme për forcën ushtarake të Kosovës si një hap të rëndësishëm.

Kastrati u shpreh se i fuqishëm prej ushtaraku i zotit Mehaj mund të jetë arsyeja e dorëheqjes së tij për shkak se, sipas tij, ai nuk ka pranuar të drejtohet nga askush.

“Ka rritur bashkëpunimin me partnerët strategjisë, sidomos SHBA-në. Ka bërë blerje strategjike të armatimit. Kjo është ndoshta njëra prej arsyeve që Mehaj ka dhënë dorëheqje, sepse e ka karakterin e një ushtaraku, s’lejon që të komandohet nga dikush tjetër”, – deklaroi Kastrati.