Ish-gjenerali i UÇK-së, Selim Krasniqi ka komentuar arratisjen e Faton Hajrizit nga burgu i Smrekonicës, ku i bëri thirrje atij të paraqitet para organeve të sigurisë.
“Por, para se të kritikohet, të gjithë duhet ta dijnë se atë ” kriminel ” e bëri sistemi i ” drejtësisë”, UNMIK-u, të cilët Fatonin e trajtuan sikur të ishte krimineli më i madh edhe pse ishte i mitur dhe vrasjen e rusit mund ta kishte bërë i provokuar ose edhe i nxitur nga traumat e luftës, ngase në luftë ishte fare i ri!”, ka shkruar ai.
Më tej ai tha se ka qenë së bashku në burg me Hajrizin në burgun e Mitrovicës dhe se i qëndroi pranë.
Postimi:
Kësaj here nuk dua ta arsyetoj Fatonin që iku nga burgu, nuk duhet ta bënte këtë veprim, do të duhej të bënte durim e sa më parë ta fitonte lirinë e munguar!
Por, para se të kritikohet, të gjithë duhet ta dijnë se atë ” kriminel ” e bëri sistemi i ” drejtësisë”, UNMIK-u, të cilët Fatonin e trajtuan sikur të ishte krimineli më i madh edhe pse ishte i mitur dhe vrasjen e rusit mund ta kishte bërë i provokuar ose edhe i nxitur nga traumat e luftës, ngase në luftë ishte fare i ri!
Me Fatonin pata rastin të takohem në burgun e Mitrovicës dhe natyrisht e pashē me sytë e mi trajtimin ç’njerëzorë që ia kishin bërë!
Duke parë se ishte i ri, unë e ofrova dhe e mora edhe në çelinë e burgut dhe sa ishim bashkë, nuk lejova bash askënd që t’i bënin keq apo ta trajtonin si deri atëherë!
Ai ishte djalë inteligjent dhe kishte nevojë të rrinte me njerëz që kishin qëllime të mira, që ishin Atdhetarë e humanë e jo me kriminelë të dënuar për vepra të rënda e krime të ndryshme!
Fatoni si i mitur që ishte do të duhej të trajtohej në institucione edukative per të mitur, të kishte afër profesinalistë të fushës, psikologë e edukatorë, në mënyrë që ta vuante denimin e të dilte në liri e t’i shërbente Atdheut dhe të ishte pranë familjes e shoqërisë!
Duhet t’i lini paragjykimet e në radhë të parë shpifjet! Duhet të kuptohet arsyeja e vërtetë e ikjes së Fatonit nga burgu, ngase ka mbeturina të serbisë akoma nëper disa institucione të sigurisë, të cilët mezi presin të provokojnë e t’i dërgojnë mesazhe shefave në serbi se po vazhdojnë ta kryjnë misionin e tyre në dëmë të kombit të vet!
Të gjithë duhet të ndihmojmë që Fatoni të kthehet në vuajtje të denimit, të trajtohet siq duhet në radhë të parë nga institucionet tona shtetërore e sa më parë të kthehet në gjirin familjarë e të integrohet në shoqëri!
Ata që na duan të keqen u munduan të na shkatërrojnë si familje, shoqëri e komb, ne duhet të punojmë e ta ndihmojmë njëri – tjetrin dhe kombin tonë, të ecim para ashtu siç na ka hije e siç e do nderi dhe tradita jonë e lashtë!
Fatonit i bëjë thirrje që të paraqitet para organeve tona të sigurisë, të tregoj arsyen e vërtetë të largimit dhe të kuptojë që ka njerëz të mirë në ato institucione e të cilët duan ta ndihmojnë që sa më parë të dalë në liri e të integrohet plotësisht në shoqërinë tonë! SK