Ish – zëvendësdrejtori i IML-së: Shpresoj që zjarri nuk është shkaktuar nga dora e njeriut

Naim Uka, ish-zëvendësdrejtor në Institutin e Mjekësisë Ligjore, duke folur për rastin e zjarrit në objektin e këtij instituti, ka thënë se mbetet që rasti të zbardhet nga organet përgjegjëse.

Ai duke folur për këtë rast ka thënë se shpreson që zjarri mos të jetë bërë nga dora e njeriut e aq më pak nga një zyrtar i IML-së.

“Shpresoj se nuk është dora e njeriut e aq më pak dora e ndonjë zyrtari brenda IML-së, përndryshe do të kishte me qenë skandal mbi skandalet”, ka thënë Uka në Tëvë 1.

Ai ka thënë se zyret e përfshira nga zjarri janë administrative dhe se nuk ka pasur mostra ose dëshmi.

Dy ditë më parë dy zyre të IML-së janë përfshirë nga zjarri. Ky është rasti i dytë brenda një viti që në këtë institucion ka shpërthim të zjarrit.