Ditën e sotme, deputetja e Kuvendit të Kosovës, Duda Balje denoncoi komandantin e stacionit policor në Graçanicë, Bratislav Trajkoviq, për ngacmim psikologjik ndaj një policeje boshnjake, Milhata Qela.
Inspktoriati Policor i Kosovës në një përgjigje dhënë për Reporteri.net ka thënë se kanë nisur hetimet për rastin në fjalë.
“Inspektorati Policor i Kosovës respektivisht Departamenti i Hetimeve lidhur me rastin në fjalë është njoftuar përmes Linjës së Kaltër (numri i telefonit pa pagesë 0803333) dhe bazuar në informacionet e pranuara ka filluar të ndërmerr veprime hetimore lidhur me pretendimet e ankueses”, thuhet nga IPK.
Mirëpo, nga IPK bëjnë të ditur se nga të gjeturat në konsultim me Prokurorinë kometente, nuk ka elemente të veprës penale, dhe rasti është proceduar për në Policinë e Kosovës.
“Veprimet hetimore përveq tjerash kanë përfshirë deklarëtën nga ankuesja si dhe raporte të ndryshme nga zyrtarët policorë që janë konsideruar dëshmitarë në këtë rast. Pas zhvillimit të hetimit preliminar, lidhur me të gjeturat IPK është konsultuar me prokurorinë kompetente dhe pasi që nuk janë gjetur elemente të veprës penale rasti është proceduar në Policinë e Kosovës më saktësisht në Drejtorinë për Hetime të Brendshme dhe Verifikim të së Kaluarës, për hetime të mëtutjeshme administrative – disiplinore”, thuhet në përgjigjen e IPK-së.