I dyshuari kapet me rreth 14 mijë euro dhe 17 mijë dinarë pas hyrjes ilegale nga Serbia në Kosovë

Gjatë pasdites së djeshme në fshatin Joshanicë të Leposaviqit, policia ka ndaluar një automjet me ngjyrë të kuqe me targa serbe, me vozitës M.B., 45 vjeçar, i cili kishte hyrë ilegalisht nga territori i Serbisë në atë të Kosovës.

Sipas raportit policor, gjatë kontrollit të automjet dhe personit, janë gjetur 13 mijë e 992 euro, dhe 17 mijë e 880 dinarë. Pos parave, janë gjetur edhe materiale për mobilje në vlerë prej 600 euro.

Me autorizim të Prokurorit të Shtetit, është iniciuar rasti “Kalim i paautorizuar i vend kalimit kufitar apo vijes Kufitare”, ndërsa automjeti, mjetet financiare dhe mallrat tjera të kontrabanduara janë dërguar në Terminalin Doganor në Mitrovicë, për procedim të mëtutjeshëm nga njësitë përkatëse të Policisë së Kosovës dhe Doganës së Kosovës.