Hoti: Pushteti i Kurtit është i krijuar për të vepruar kundër shtetit

Deputeti i LDK-së dhe ish-kryeministri Avdullah Hoti ka kritikuar pushtetin aktual, duke thënë se është kundër shtetit të Kosovës.

Hoti duke folur për të arriturat e tij sa ishte kryeministër, mes të tjerash edhe marrëveshjen e arritur në Shtëpinë e Bardhë përball presidentit të atëhershëm, Donald Trump, ka thënë këta që janë sot në pushtet [Lëvizja Vetëvendosje] ka bërë propagandë kundër shtetit.

“Këta që janë sot në pushtet kanë bërë propagandë kundër shtetit të vetë. Janë të krijuar për të vepruar kundër shtetit të vet”, ka thënë Hoti në “Rubikon”.

“Prej ditës së parë, të gjitha veprimet i kanë pasur duke kundërshtuar partitë në qeverisje. I kanë bërë opozitë shtetit të Kosovës, duke kundërshtuar pakon e Ahtisaarit, etj”, ka shtuar Hoti.