Manaj kërkon respektim të Kushtetutës: Të mos shkelet rendi i ditës në Kuvend

Lidhja Demokratike e Kosovës dorëzoi të premten lëndën e saj në Gjykatën Kushtetuese të Kosovës, në lidhje me zhvillimet e fundit institucionale që, sipas këtij subjekti politik, përbëjnë shkelje të rendit kushtetues dhe parimeve demokratike.

Lidhur me këtë lëndë, është deklaruar deputeti i LDK-së, Shkëmb Manaj, i cili ka kërkuar që të mos ketë shkelje kushtetuese në seancat e ardhshme të Kuvendit.

“Nuk ka vullnet politik që ta ndryshojë rendin e ditës. Kërkojmë nga Gjykata Kushtetuese që këtë rast ta trajtojë sa më shpejt në mënyrë që të kthehet normaliteti në vend dhe të formohen institucionet. Në këtë mënyrë, i jepet mundësia çdo deputeti që të votojë për zgjedhjen e kryetarit të Kuvendit”.

“Gjykata e ka përcaktuar që rendi i ditës duhet të respektohet dhe të gjitha praktikat si më herët”.“Kushtetuta është shkelur edhe pas aktvendimit të Gjykatës Kushtetuese dhe njëra ndër pikat ka qenë që të mos shkelet më rendi nga kryesuesi Avni Dehari”.